|
| |
| |
ଶ୍ରୀ ବ୍ରହ୍ମ ସଂହିତା  |
| ଶ୍ରୀ ବ୍ରହ୍ମା |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ଈଶ୍ଵରଃ ପରମଃ କୃଷ୍ଣଃ ସଚ୍ଚିଦାନନ୍ଦଵିଗ୍ରହଃ।
ଅନାଦିରାଦିର୍ଗୋଵିନ୍ଦଃ ସର୍ଵକାରଣକାରଣମ୍॥1॥ |
| |
| |
ଚିନ୍ତାମଣିପ୍ରକରସଦ୍ମସୁ କଲ୍ପଵୃକ୍ଷ
ଲକ୍ଷାଵୃତେଷୁ ସୁରଭୀରଭିପାଲଯନ୍ତମ୍।
ଲକ୍ଷ୍ମୀ ସହସ୍ରଶତସମ୍ଭ୍ରମସେଵଯମାନଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥2॥ |
| |
| |
ଵେଣୁଂ କ୍ଵଣନ୍ତମରଵିନ୍ଦଦଲାଯତାକ୍ଷଂ
ବର୍ହାଵତଂ ସମସିତାମ୍ବୁଦସୁନ୍ଦରାଙ୍ଗମ୍।
କନ୍ଦର୍ପକୋଟିକମନୀଯଵିଶେଷଶୋଭଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥3॥ |
| |
| |
ଆଲୋଲଚନ୍ଦ୍ରକଲସଦ୍ଵଵନମାଲ୍ଯଵଂଶୀ
ରତ୍ନାଗଦଂ ପ୍ରଣଯକେଲିକଲାଵିଲାସମ୍।
ଶ୍ଯାମଂ ତ୍ରିଭଂଗଲଲିତଂ ନିଯତପ୍ରକାଶଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥4॥ |
| |
| |
ଅଙ୍ଗାନି ଯସ୍ଯ ସକଲେନ୍ଦ୍ରିଯଵୃତ୍ତିମନ୍ତି
ପଶ୍ଯନ୍ତି ପାନ୍ତି କଲଯନ୍ତି ଚିରଂ ଜଗନ୍ତି।
ଆନନ୍ଦଚିନ୍ମଯସଦୁଜ୍ଜ୍ଵଲଵିଗ୍ରହସ୍ଯ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥5॥ |
| |
| |
ଅଦ୍ଵୈତମଚ୍ଯୁତମନାଦିମନନ୍ତରୂପମ୍
ଆଦ୍ଯଂ ପୁରାଣପୁରୁଷଂ ନଵଯୌଵନଂ ଚ।
ଵେଦେଷୁ ଦୁର୍ଲଭମଦୁର୍ଲଭମାତ୍ମଭକ୍ତୌ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥6॥ |
| |
| |
ପନ୍ଥାସ୍ତୁ କୋଟିଶତଵତ୍ସରସମ୍ପ୍ରଗମ୍ଯୋ
ଵାଯୋରଥାପି ମନସୋ ମୁନିଙ୍ଗଵାନାମ୍।
ସୋଽପ୍ଯସ୍ତି ଯତ୍ପ୍ରପଦସୀମ୍ନ୍ଯଵିଚିନ୍ତ୍ଯତତ୍ତ୍ଵେ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥7॥ |
| |
| |
ଏକୋଽପ୍ଯସୌ ରଚଯିତୁଂ ଜଗଦଣ୍ଡକୋଟିଂ-
ଯଚ୍ଛକ୍ତିରସ୍ତି ଜଗଦଣ୍ଡଚଯା ଯଦନ୍ତଃ।
ଅଣ୍ଡାନ୍ତରସ୍ଥପରମାଣୁଚଯାନ୍ତରସ୍ଥଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥8॥ |
| |
| |
ଯଭ୍ଦାଵଭାଵିତଧିଯୋ ମନୁଜାସ୍ତଥୈଵ
ସମ୍ପ୍ରାପ୍ଯ ରୂପମହିମାସନଯାନଭୂଷାଃ।
ସୂକ୍ତୈର୍ଯମେଵ ନିଗମପ୍ରଥିତୈଃ ସ୍ତୁଵନ୍ତି
ଗୋଵିନ୍ଦମାଦିପୁରୁଷଂ ତମହଂ ଭଜାମି॥9॥ |
| |
| |
ଆନନ୍ଦଚିନ୍ମଯରସପ୍ରତିଭାଵିତାଭିସ୍
ତାଭିର୍ଯ ଏଵ ନିଜରୂପତଯା କଲାଭିଃ।
ଗୋଲୋକ ଏଵ ନିଵସତ୍ଯଖିଲାତ୍ମଭୂତୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥10॥ |
| |
| |
ପ୍ରେମାଞ୍ଜନଚ୍ଛୁରିତଭକ୍ତିଵିଲୋଚନେନ
ସନ୍ତଃ ସଦୈଵ ହୃଦଯେଷୁ ଵିଲୋକଯନ୍ତି।
ଯଂ ଶ୍ଯାମସୁନ୍ଦରମଚିନ୍ତ୍ଯଗୁଣସ୍ଵରୂପଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥11॥ |
| |
| |
ରାମାଦିମୂର୍ତିଷୁ କଲାନିଯମେନ ତିଷ୍ଠନ୍
ନାନାଵତାରମକରୋଦ୍ ଭୁଵନେଷୁ କିନ୍ତୁ।
କୃଷ୍ଣଃ ସ୍ଵଯଂ ସମଭଵତ୍ପରମଃ ପୁମାନ୍ ଯୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥12॥ |
| |
| |
ଯସ୍ଯ ପ୍ରଭା ପ୍ରଭଵତୋ ଜଗଦଣ୍ଡକୋଟି-
କୋଟିଷ୍ଵଶେଷଵସୁଧାଦି ଵିଭୂତିଭିନ୍ନମ୍।
ତଦ୍ ବ୍ରହ୍ମ ନିଷ୍କଲମନଂତମଶେଷଭୂତଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥13॥ |
| |
| |
ମାଯା ହି ଯସ୍ଯ ଜଗଦଣ୍ଡଶତାନି ସୂତେ
ତ୍ରୈଗୁଣ୍ଯତଦ୍ଵିଷଯଵେଦଵିତାଯମାନା।
ସତ୍ତ୍ଵାଵଲମ୍ବିପରସତ୍ତ୍ଵଂ ଵିଶୁଦ୍ଧସତ୍ତ୍ଵଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥14॥ |
| |
| |
ଆନନ୍ଦଚିନ୍ମଯରସାତ୍ମତଯା ମନଃସୁ
ଯଃ ପ୍ରାଣିନାଂ ପ୍ରତିଫଲନ୍ ସ୍ମରତାମୁପେତ୍ଯ।
ଲୀଲାଯିତେନ ଭୁଵନାନି ଜଯତ୍ଯଜସ୍ରଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥15॥ |
| |
| |
ଗୋଲୋକନାମ୍ନି ନିଜଧାମ୍ନି ତଲେ ଚ ତସ୍ଯ
ଦେଵୀମହେଶହରିଧାମସୁ ତେଷୁ ତେଷୁ।
ତେ ତେ ପ୍ରଭାଵନିଚଯା ଵିହିତାଶ୍ଚ ଯେନ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥16॥ |
| |
| |
ସୃଷ୍ଟିସ୍ଥିତିପ୍ରଲଯସାଧନଶକ୍ତିରେକା
ଛାଯେଵ ଯସ୍ଯ ଭୁଵନାନି ଵିଭର୍ତି ଦୂର୍ଗା।
ଇଚ୍ଛାନୁରୂପମପି ଯସ୍ଯ ଚ ଚେଷ୍ଟତେ ସା
ଗୋଵିନ୍ଦମାଦିପୁରୁଷଂ ତମହଂ ଭଜାମି॥17॥ |
| |
| |
କ୍ଷୀରଂ ଯଥା ଦଧି ଵିକାରଵିଶେଷଯୋଗାତ୍
ସଞ୍ଜାଯତେ ନ ହି ତତଃ ପୃଥଗସ୍ତି ହେତୋଃ।
ଯଃ ଶମ୍ଭୁତାମପି ତଥା ସମୁପୈତି କାର୍ଯାଦ୍
ଗୋଵିନ୍ଦମାଦିପୁରୁଷଂ ତମହଂ ଭଜାମି॥18॥ |
| |
| |
ଦୀପାର୍ଚିରେଵ ହି ଦଶାନ୍ତରମଭ୍ଯୁପେତ୍ଯ
ଦୀପାଯତେ ଵିଵୃତହେତୁସମାନଧର୍ମା।
ଯସ୍ତାଦୃଗେଵ ହି ଚ ଵିଷ୍ଣୁତଯା ଵିଭାତି
ଗୋଵିନ୍ଦମାଦିପୁରୁଷଂ ତମହଂ ଭଜାମି॥19॥ |
| |
| |
ଯଃ କାରଣାର୍ଣଵଜଲେ ଭଜତି ସ୍ମ ଯୋଗ-
ନିଦ୍ରାମନନ୍ତଜଗଦଣ୍ଡସରୋମକୂପଃ।
ଆଧାରଶକ୍ତିମଵଲମ୍ବ୍ଯ ପରାଂ ସ୍ଵମୂର୍ତି
ଗୋଵିନ୍ଦମାଦିପୁରୁଷଂ ତମହଂ ଭଜାମି॥20॥ |
| |
| |
ଯସ୍ଯୈକନିଶ୍ଵସିତକାଲମଥାଵଲମ୍ବ୍ଯ
ଜୀଵନ୍ତି ଲୋମଵିଲଜା ଜଗଦଣ୍ଡନାଥାଃ।
ଵିଷ୍ଣୁର୍ମହାନ୍ ସ ଇହ ଯସ୍ଯ କଲାଵିଶେଷୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥21॥ |
| |
| |
ଭାସ୍ଵାନ୍ ଯଥାଶ୍ମଶକଲେଷୁ ନିଜେଷୁ ତେଜଃ
ସ୍ଵୀଯଂ କିଯତ୍ପ୍ରକଟଯତ୍ଯପି ତଦ୍ଵଦତ୍ର।
ବ୍ରହ୍ମା ଯ ଏଷ ଜଗଦଣ୍ଡଵିଧାନକର୍ତା
ଗୋଵିନ୍ଦମାଦିପୁରୁଷଂ ତମହଂ ଭଜାମି॥22॥ |
| |
| |
ଯତ୍ପାଦପଲ୍ଲଵଯୁଗଂ ଵିନିଧାଯ କୁମ୍ଭ
ଦ୍ଵନ୍ଦ୍ଵେ ପ୍ରଣାମସମଯେ ସ ଗଣାଧିରାଜଃ।
ଵିଘ୍ନାନ୍ ଵିହନ୍ତୁମଲମସ୍ଯ ଜଗତ୍ରଯସ୍ଯ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥23॥ |
| |
| |
ଅଗ୍ନିର୍ମହୀ ଗଗନମମ୍ବୁ ମରୁଦ୍ଦିଶ ଶ୍ଚ
କାଲସ୍ତଥାତ୍ମମନସୀତି ଜଗତ୍ତ୍ରଯାଣି।
ଯସ୍ମାଦ୍ ଭଵନ୍ତି ଵିଭଵନ୍ତି ଵିଶନ୍ତି ଯଂ ଚ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥24॥ |
| |
| |
ଯଚ୍ଚକ୍ଷୁରେଷ ସଵିତା ସକଲଗ୍ରହାଣାଂ
ରାଜା ସମସ୍ତସୁରମୁର୍ତିରଶେଷତେଜାଃ।
ଯସ୍ଯାଜ୍ଞଯା ଭ୍ରମତି ସମ୍ଭୃତକାଲଚକ୍ରୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥25॥ |
| |
| |
ଧର୍ମୋଽଥ ପାପନିଚଯଃ ଶ୍ରୁତଯସ୍ତପାଂସି
ବ୍ରହ୍ମାଦିକୀଟପତଗାଵଧଯଶ୍ଚ ଜୀଵାଃ।
ଯଦ୍ଦତ୍ତମାତ୍ରଵିଭଵପ୍ରକଟପ୍ରଭାଵା
ଗୋଵିନ୍ଦମାଦିପୁରୁଷଂ ତମହଂ ଭଜାମି॥26॥ |
| |
| |
ଯସ୍ତ୍ଵିନ୍ଦ୍ରଗୋପମଥଵେନ୍ଦ୍ରମହୋ ସ୍ଵକର୍ମ-
ବନ୍ଧାନୁରୂପଫଲଭାଜନମାତନୋତୀ।
କର୍ମାଣି ନିର୍ଦହତି କିନ୍ତୁ ଚ ଭକ୍ତିଭାଜାଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥27॥ |
| |
| |
ଯଂ କ୍ରୋଧକାମସହଜପ୍ରଣଯାଦିଭୀତି
ଵାତ୍ସଲ୍ଯମୋହଗୁରୁଗୌରଵସେଵଯଭାଵୈଃ।
ସ ିଞ୍ଚନ୍ତ୍ଯ ତସ୍ଯ ସଦୃଶୀଂ ତନୁମାପୁରେତେ
ଗୋଵିନ୍ଦମାଦିପୁରୁଷଂ ତମହଂ ଭଜାମି॥28॥ |
| |
| |
ଶ୍ରିଯଃ କାନ୍ତାଃ କାନ୍ତଃ ପରମାପୁରୁଷଃ କଲ୍ପତରଵୋ
ଦ୍ରୁମା ଭୂମିଶ୍ଚିନ୍ତାମଣିଗଣମଯୀ ତୋଯମମୃତମ୍।
କଥା ଗାନଂ ନାଟଯଂ ଗମନମପି ଵଂଶୀ ପ୍ରିଯସଖୀ
ଚିଦାନନ୍ଦଂ ଜ୍ଯୋତିଃ ପରମପି ତଦାସ୍ଵାଦ୍ଯମପି ଚ॥ |
| |
| |
ସ ଯତ୍ର କ୍ଷୀରାବ୍ଧିଃ ସ୍ରଵତି ସୁରଭୀଭ୍ଯଶ୍ଚ ସୁମହାନ୍
ନିମେଷାର୍ଧାଖ୍ଯୋ ଵାଵ୍ରଜତି ନ ହି ଯତ୍ରାପି ସମଯଃ।
ଭଜେ ଶ୍ଵେତଦ୍ଵୀପଂ ତମହମିହ ଗୋଲୋକମିତି ଯଂ
ଵିଦନ୍ତସ୍ତେ ସନ୍ତଃ କ୍ଷିତିଵିରଲଚାରାଃ କତିପଯେ॥29॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|