|
| |
| |
శ్రీ చైతన్యాష్టకమ్  |
| శ్రీల రూప గోస్వామీ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
సదోపాస్యః శ్రీమాన్ ధృత - మనుజ - కాయైః ప్రణయితాం
వహద్భిర్గీర్వాణైర్గిరిశ - పరమేష్ఠిప్రభృతిభిః ।
స్వభక్తేభ్యః శుద్ధాం నిజ-భజన - ముద్రాముపదిశన్
స చైతన్యః కిం మే పునరపి దృశోర్యాస్యతి పదమ్ ॥ 1 ॥
సురేశానాం దుర్గం గతిరతిశయేనోపనిషదాం
మునీనాం సర్వస్వం ప్రణతపటలీనాం మధురిమా ।
వినిర్యాసః ప్రేమ్ణో నిఖిల - పశుపాలామ్బుజ - దృశాం
స చైతన్యః కిం మే పునరపి దృశోర్యాస్యతి పదమ్ ॥ 2 ॥
స్వరూపం బిభ్రాణో జగదతులమద్వైత - దయితః
ప్రపన్న - శ్రీవాసో జనిత - పరమానన్ద - గరిమా ।
హరిదనోద్ధారీ గజపతి - కృపౌత్సేక - తరలః
స చైతన్యః కిం మే పునరపి దృశోర్యాస్యతి పదమ్ ॥3 ॥ |
| |
| |
రసోద్దామా కామార్బుద-మధుర-ధామోజ్జ్వల-తను-
ర్యతీనాముత్తంసస్తరణి-కర- విద్యోతి-వసనః ।
హిరణ్యానాం లక్ష్మీభరమభిభవన్నాఙ్గిక- రుచా
స చైతన్యః కిం మే పునరపి దృశోర్యాస్యతి పదమ్ ॥4॥
హరే కృష్ణేత్యుచ్చైః స్ఫురిత - రసనో నామగణనా-
కృత - గ్రన్థి శ్రేణీ - సుభగ- కటిసూత్రోజ్జ్వల- కరః ।
విశాలాక్షో దీర్ఘార్గల - యుగల-ఖేలాఞ్చిత - భుజః
స చైతన్యః కిం మే పునరపి దృశోర్యాస్యతి పదమ్ ॥5॥ |
| |
| |
పయోరాశేస్తీరే స్ఫురదుపవనాలీ - కలనయా
ముహుర్వృన్దారణ్య - స్మరణ - జనిత ప్రేమ వివశః ।
క్వచిత్ కృష్ణావృత్తి - ప్రచల- రసనో - భక్తి - రసికః
స చైతన్యః కిం మే పునరపి దృశోర్యాస్యతి పదమ్ ॥6॥ |
| |
| |
రథారూఢస్యారాదధిపదవి నీలాచల - పతే -
రదభ్ర - ప్రేమోర్మి- స్ఫురిత - నటనోల్లాస - వివశః ।
సహర్షం గాయద్భిః పరివృత - తనుర్వైష్ణవ - జనైః
స చైతన్యః కిం మే పునరపి దృశోర్యాస్యతి పదమ్ ॥7॥ |
| |
| |
భువం సిఞ్చన్నశ్రు - స్రుతిభిరభితః సాన్ద్ర- పులకైః
పరీతాఙ్గో నీప - స్తబక - నవ - కిఞ్జల్క - జయిభిః ।
ఘన - స్వేద - స్తోమ - స్తిమిత - తనురుత్కీర్తన - సుఖీ
స చైతన్యః కిం మే పునరపి దృశోర్యాస్యతి పదమ్ ॥8॥
అధీతే గౌరాఙ్గ - స్మరణ - పదవీ - మఙ్గలతరం
కృతీ యో విశ్రమ్భ- స్ఫురదమలధీరష్టకమిదమ్ ।
పరానన్దే సద్యస్తదమల పదామ్భోజ - యుగలే
పరిస్ఫారా తస్య స్ఫురతు నితరాం ప్రేమలహరీ ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|