|
| |
| |
ಶ್ರೀ ಚೈತನ್ಯಾಷ್ಟಕಮ್  |
| ಶ್ರೀಲ ರೂಪ ಗೋಸ್ವಾಮೀ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ಸದೋಪಾಸ್ಯಃ ಶ್ರೀಮಾನ್ ಧೃತ - ಮನುಜ - ಕಾಯೈಃ ಪ್ರಣಯಿತಾಂ
ವಹದ್ಭಿರ್ಗೀರ್ವಾಣೈರ್ಗಿರಿಶ - ಪರಮೇಷ್ಠಿಪ್ರಭೃತಿಭಿಃ ।
ಸ್ವಭಕ್ತೇಭ್ಯಃ ಶುದ್ಧಾಂ ನಿಜ-ಭಜನ - ಮುದ್ರಾಮುಪದಿಶನ್
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥ 1 ॥
ಸುರೇಶಾನಾಂ ದುರ್ಗಂ ಗತಿರತಿಶಯೇನೋಪನಿಷದಾಂ
ಮುನೀನಾಂ ಸರ್ವಸ್ವಂ ಪ್ರಣತಪಟಲೀನಾಂ ಮಧುರಿಮಾ ।
ವಿನಿರ್ಯಾಸಃ ಪ್ರೇಮ್ಣೋ ನಿಖಿಲ - ಪಶುಪಾಲಾಮ್ಬುಜ - ದೃಶಾಂ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥ 2 ॥
ಸ್ವರೂಪಂ ಬಿಭ್ರಾಣೋ ಜಗದತುಲಮದ್ವೈತ - ದಯಿತಃ
ಪ್ರಪನ್ನ - ಶ್ರೀವಾಸೋ ಜನಿತ - ಪರಮಾನನ್ದ - ಗರಿಮಾ ।
ಹರಿದನೋದ್ಧಾರೀ ಗಜಪತಿ - ಕೃಪೌತ್ಸೇಕ - ತರಲಃ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥3 ॥ |
| |
| |
ರಸೋದ್ದಾಮಾ ಕಾಮಾರ್ಬುದ-ಮಧುರ-ಧಾಮೋಜ್ಜ್ವಲ-ತನು-
ರ್ಯತೀನಾಮುತ್ತಂಸಸ್ತರಣಿ-ಕರ- ವಿದ್ಯೋತಿ-ವಸನಃ ।
ಹಿರಣ್ಯಾನಾಂ ಲಕ್ಷ್ಮೀಭರಮಭಿಭವನ್ನಾಙ್ಗಿಕ- ರುಚಾ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥4॥
ಹರೇ ಕೃಷ್ಣೇತ್ಯುಚ್ಚೈಃ ಸ್ಫುರಿತ - ರಸನೋ ನಾಮಗಣನಾ-
ಕೃತ - ಗ್ರನ್ಥಿ ಶ್ರೇಣೀ - ಸುಭಗ- ಕಟಿಸೂತ್ರೋಜ್ಜ್ವಲ- ಕರಃ ।
ವಿಶಾಲಾಕ್ಷೋ ದೀರ್ಘಾರ್ಗಲ - ಯುಗಲ-ಖೇಲಾಞ್ಚಿತ - ಭುಜಃ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥5॥ |
| |
| |
ಪಯೋರಾಶೇಸ್ತೀರೇ ಸ್ಫುರದುಪವನಾಲೀ - ಕಲನಯಾ
ಮುಹುರ್ವೃನ್ದಾರಣ್ಯ - ಸ್ಮರಣ - ಜನಿತ ಪ್ರೇಮ ವಿವಶಃ ।
ಕ್ವಚಿತ್ ಕೃಷ್ಣಾವೃತ್ತಿ - ಪ್ರಚಲ- ರಸನೋ - ಭಕ್ತಿ - ರಸಿಕಃ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥6॥ |
| |
| |
ರಥಾರೂಢಸ್ಯಾರಾದಧಿಪದವಿ ನೀಲಾಚಲ - ಪತೇ -
ರದಭ್ರ - ಪ್ರೇಮೋರ್ಮಿ- ಸ್ಫುರಿತ - ನಟನೋಲ್ಲಾಸ - ವಿವಶಃ ।
ಸಹರ್ಷಂ ಗಾಯದ್ಭಿಃ ಪರಿವೃತ - ತನುರ್ವೈಷ್ಣವ - ಜನೈಃ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥7॥ |
| |
| |
ಭುವಂ ಸಿಞ್ಚನ್ನಶ್ರು - ಸ್ರುತಿಭಿರಭಿತಃ ಸಾನ್ದ್ರ- ಪುಲಕೈಃ
ಪರೀತಾಙ್ಗೋ ನೀಪ - ಸ್ತಬಕ - ನವ - ಕಿಞ್ಜಲ್ಕ - ಜಯಿಭಿಃ ।
ಘನ - ಸ್ವೇದ - ಸ್ತೋಮ - ಸ್ತಿಮಿತ - ತನುರುತ್ಕೀರ್ತನ - ಸುಖೀ
ಸ ಚೈತನ್ಯಃ ಕಿಂ ಮೇ ಪುನರಪಿ ದೃಶೋರ್ಯಾಸ್ಯತಿ ಪದಮ್ ॥8॥
ಅಧೀತೇ ಗೌರಾಙ್ಗ - ಸ್ಮರಣ - ಪದವೀ - ಮಙ್ಗಲತರಂ
ಕೃತೀ ಯೋ ವಿಶ್ರಮ್ಭ- ಸ್ಫುರದಮಲಧೀರಷ್ಟಕಮಿದಮ್ ।
ಪರಾನನ್ದೇ ಸದ್ಯಸ್ತದಮಲ ಪದಾಮ್ಭೋಜ - ಯುಗಲೇ
ಪರಿಸ್ಫಾರಾ ತಸ್ಯ ಸ್ಫುರತು ನಿತರಾಂ ಪ್ರೇಮಲಹರೀ ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|