|
| |
| |
ଶ୍ରୀ ଗୋଵର୍ଧନଵାସପ୍ରାର୍ଥନାଦଶକମ୍  |
| ଶ୍ରୀଲ ରଘୁନାଥ ଦାସ ଗୋସ୍ଵାମୀ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ନିଜପତିଭୁଜଦଣ୍ଡଚ୍ଛତ୍ରଭାଵଂ ପ୍ରପଦ୍ଯ
ପ୍ରତିହତମଦଧୃଷ୍ଟୋଦ୍ଦଣ୍ଡଦେଵେନ୍ଦ୍ରଗର୍ଵ।
ଅତୁଲପୃଥୁଲଶୈଲଶ୍ରେଣିଭୂପ! ପ୍ରିଯଂ ମେ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥1॥ |
| |
| |
ପ୍ରମଦମଦନଲୀଲାଃ କନ୍ଦରେ କନ୍ଦରେ ତେ
ରଚଯତି ନଵଯୂନୋର୍ଦ୍ଵନ୍ଦ୍ଵମସ୍ମିନ୍ନମନ୍ଦମ୍।
ଇତି କିଲ କଲନାର୍ଥଂ ଲନ୍ଗକସ୍ତଦ୍ଦ୍ଵଯୋର୍ମେ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥2॥ |
| |
| |
ଅନୁପମ-ମଣିଵେଦୀ-ରତ୍ନସିଂହାସନୋର୍ଵୀ-
ରୁହଝର-ଦରସାନୁଦ୍ରୋଣି-ସଂଘେଷୁ ରଂଗୈଃ।
ସହ ବଲ-ସଖିଭିଃ ସଂଖେଲଯନ୍ ସ୍ଵପ୍ରିଯଂ ମେ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥3॥ |
| |
| |
ରସନିଧି-ନଵଯୂନୋଃ ସାକ୍ଷିଣୀଂ ଦାନକେଲେ-
ର୍ଦ୍ଯୁତିପରିମଲଵିଦ୍ଧାଂ ଶ୍ଯାମଵେଦୀଂ ପ୍ରକାଶ୍ଯ।
ରସିକଵରକୁଲାନାଂ ମୋଦମାସ୍ଫାଲଯନ୍ମେ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥4॥ |
| |
| |
ହରିଦାଯିତମପୂର୍ଵ ରାଧିକା-କୁଣ୍ଡମାତ୍ମ-
ପ୍ରିଯସଖମିହ କଣ୍ଠେନର୍ମଣାଽଽଲିଂଗ୍ଯ ଗୁପ୍ତଃ।
ନଵଯୁଵଯୁଗ-ଖେଲାସ୍ତତ୍ର ପଶ୍ଯନ୍ ରହୋ ମେ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥5॥ |
| |
| |
ସ୍ଥଲ-ଜଲ-ତଲ-ଶଷ୍ପୈର୍ଭୂରୁହଚ୍ଛାଯଯା ଚ
ପ୍ରତିପଦମନୁକାଲଂ ହନ୍ତ ସଂଵର୍ଧଯନ୍ ଗାଃ।
ତ୍ରିଜଗତି ନିଜଗୋତ୍ରଂ ସାର୍ଥକଂ ଖ୍ଯାପଯନ୍ମେ
ଜିନ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥6॥ |
| |
| |
ସୁରପତିକୃତ-ଦୀର୍ଘଦ୍ରୋହତୋ ଗୋଷ୍ଠରକ୍ଷାଂ
ତଵ ନଵ-ଗୃହରୂପସ୍ଯାନ୍ତରେ କୁର୍ଵତୈଵ।
ଅଘ-ବକ-ରିପୁଣୋଚ୍ଚୈର୍ଦତ୍ତମାନ! ଦ୍ରୁତଂ ମେଂ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥7॥ |
| |
| |
ଗିରିନୃପ! ହରିଦାସଶ୍ରେଣୀଵର୍ଯେତି-ନାମା-
ମୃତମିଦମୁଦିତଂ ଶ୍ରୀରାଧିକାଵକ୍ତ୍ରଚନ୍ଦ୍ରାତ୍।
ଵ୍ରଜଜନ-ତିଲକତ୍ଵେ କ୍ଲୃପ୍ତ! ଵେଦୈଃ ସ୍ଫୁଟଂ ମେ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥8॥ |
| |
| |
ନିଜ-ଜନଯୁତ-ରାଧାକୃଷ୍ଣମୈତ୍ରୀରସାକ୍ତ-
ଵ୍ରଜନର-ପଶୁପକ୍ଷି ବ୍ରାତ-ସୌଖ୍ଯୈକଦାତଃ।
ଅଗଣିତ-କରୁଣତ୍ଵାନ୍ମାମୁରୀକୃତ୍ଯ ତାନ୍ତଂ
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥9॥ |
| |
| |
ନିରୁପଧି-କରୁଣେନ ଶ୍ରୀଶଚୀନନ୍ଦନେନ
ତ୍ଵଯି କପଟି-ଶଠୋଽପି ତ୍ଵତ୍ପ୍ରିଯେଣାର୍ପିଂତୋଽସ୍ମି।
ଇତି ଖଲୁ ମମ ଯୋଗ୍ଯାଯୋଗ୍ଯତାଂ ତାମଗୃହ୍ନନ୍
ନିଜ-ନିକଟ-ନିଵାସ ଦେହି ଗୋଵର୍ଧନ! ତ୍ଵମ୍॥10॥ |
| |
| |
ରସଦ-ଦଶକମସ୍ଯ ଶ୍ରୀଲ-ଗୋଵର୍ଧନସ୍ଯ
କ୍ଷିତିଧର-କୁଲଭର୍ତୁର୍ଯଃ ପ୍ରଯତ୍ନାଦଧୀତେ।
ସ ସପଦି ସୁଖଦେଽସ୍ମିନ୍ ଵାସମାସାଦ୍ଯ ସାକ୍ଷା-
ଚ୍ଛୁଭଦ-ଯୁଗଲସେଵାରତ୍ନମାପ୍ନୋତି ତୂର୍ଣମ୍॥11॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|