|
| |
| |
শ্রী গোবর্ধনবাসপ্রার্থনাদশকম্  |
| শ্রীল রঘুনাথ দাস গোস্বামী |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
নিজপতিভুজদণ্ডচ্ছত্রভাবং প্রপদ্য
প্রতিহতমদধৃষ্টোদ্দণ্ডদেবেন্দ্রগর্ব।
অতুলপৃথুলশৈলশ্রেণিভূপ! প্রিযং মে
নিজ-নিকট-নিবাস দেহি গোবর্ধন! ত্বম্॥1॥ |
| |
| |
প্রমদমদনলীলাঃ কন্দরে কন্দরে তে
রচযতি নবযূনোর্দ্বন্দ্বমস্মিন্নমন্দম্।
ইতি কিল কলনার্থং লন্গকস্তদ্দ্বযোর্মে
নিজ-নিকট-নিবাস দেহি গোবর্ধন! ত্বম্॥2॥ |
| |
| |
অনুপম-মণিবেদী-রত্নসিংহাসনোর্বী-
রুহঝর-দরসানুদ্রোণি-সংঘেষু রংগৈঃ।
সহ বল-সখিভিঃ সংখেলযন্ স্বপ্রিযং মে
নিজ-নিকট-নিবাস দেহি গোবর্ধন! ত্বম্॥3॥ |
| |
| |
রসনিধি-নবযূনোঃ সাক্ষিণীং দানকেলে-
র্দ্যুতিপরিমলবিদ্ধাং শ্যামবেদীং প্রকাশ্য।
রসিকবরকুলানাং মোদমাস্ফালযন্মে
নিজ-নিকট-নিবাস দেহি গোবর্ধন! ত্বম্॥4॥ |
| |
| |
হরিদাযিতমপূর্ব রাধিকা-কুণ্ডমাত্ম-
প্রিযসখমিহ কণ্ঠেনর্মণাঽঽলিংগ্য গুপ্তঃ।
নবযুবযুগ-খেলাস্তত্র পশ্যন্ রহো মে
নিজ-নিকট-নিবাস দেহি গোবর্ধন! ত্বম্॥5॥ |
| |
| |
স্থল-জল-তল-শষ্পৈর্ভূরুহচ্ছাযযা চ
প্রতিপদমনুকালং হন্ত সংবর্ধযন্ গাঃ।
ত্রিজগতি নিজগোত্রং সার্থকং খ্যাপযন্মে
জিন-নিকট-নিবাস দেহি গোবর্ধন! ত্বম্॥6॥ |
| |
| |
সুরপতিকৃত-দীর্ঘদ্রোহতো গোষ্ঠরক্ষাং
তব নব-গৃহরূপস্যান্তরে কুর্বতৈব।
অঘ-বক-রিপুণোচ্চৈর্দত্তমান! দ্রুতং মেং
নিজ-নিকট-নিবাস দেহি গোবর্ধন! ত্বম্॥7॥ |
| |
| |
গিরিনৃপ! হরিদাসশ্রেণীবর্যেতি-নামা-
মৃতমিদমুদিতং শ্রীরাধিকাবক্ত্রচন্দ্রাত্।
ব্রজজন-তিলকত্বে ক্লৃপ্ত! বেদৈঃ স্ফুটং মে
নিজ-নিকট-নিবাস দেহি গোবর্ধন! ত্বম্॥8॥ |
| |
| |
নিজ-জনযুত-রাধাকৃষ্ণমৈত্রীরসাক্ত-
ব্রজনর-পশুপক্ষি ব্রাত-সৌখ্যৈকদাতঃ।
অগণিত-করুণত্বান্মামুরীকৃত্য তান্তং
নিজ-নিকট-নিবাস দেহি গোবর্ধন! ত্বম্॥9॥ |
| |
| |
নিরুপধি-করুণেন শ্রীশচীনন্দনেন
ত্বযি কপটি-শঠোঽপি ত্বত্প্রিযেণার্পিংতোঽস্মি।
ইতি খলু মম যোগ্যাযোগ্যতাং তামগৃহ্নন্
নিজ-নিকট-নিবাস দেহি গোবর্ধন! ত্বম্॥10॥ |
| |
| |
রসদ-দশকমস্য শ্রীল-গোবর্ধনস্য
ক্ষিতিধর-কুলভর্তুর্যঃ প্রযত্নাদধীতে।
স সপদি সুখদেঽস্মিন্ বাসমাসাদ্য সাক্ষা-
চ্ছুভদ-যুগলসেবারত্নমাপ্নোতি তূর্ণম্॥11॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|