वैष्णव भजन  »  श्री गोविन्द दामोदर स्तोत्र
 
 
ଶ୍ରୀଲ ବିଲ୍ଵମଂଗଲ ଠାକୁର       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
ଅଗ୍ରେ କୁରୂଣାମଥ ପାଣ୍ଡଵାନାଂ ଦୁଃଶାସନେନାହୃତଵସ୍ତ୍ରକେଶା ।
କୃଷ୍ଣା ତଦାକ୍ରୋଶଦନନ୍ଯନାଥା ଗୋଵିନ୍ଦ ଦାମୋଦର ମାଧଵେତି ॥ 1॥
 
 
ଶ୍ରୀକୃଷ୍ଣ ଵିଷ୍ଣୋ ମଧୁକୈଟଭାରେ ଭକ୍ତାନୁକମ୍ପିନ୍ ଭଗଵନ୍ ମୁରାରେ ।
ତ୍ରାଯସ୍ଵ ମାଂ କେଶଵ ଲୋକନାଥ ଗୋଵିନ୍ଦ ଦାମୋଦର ମାଧଵେତି ॥ 2॥
 
 
ଵିକ୍ରେତୁକାମା କିଲ ଗୋପକନ୍ଯା ମୁରାରିପାଦାର୍ପିତଚିତ୍ତଵୃତ୍ତିଃ ।
ଦଧ୍ଯାଦିକଂ ମୋହଵଶାଦଵୋଚଦ୍ ଗୋଵିନ୍ଦ ଦାମୋଦର ମାଧଵେତି ॥ 3॥
 
 
ଉଲୂଖଲେ ସମ୍ଭୃତତଣ୍ଡୁଲାଂଶ୍ଚ ସଙ୍ଘଟ୍ଟଯନ୍ତ୍ଯୋ ମୁସଲୈଃ ପ୍ରମୁଗ୍ଧାଃ ।
ଗାଯନ୍ତି ଗୋପ୍ଯୋ ଜନିତାନୁରାଗା ଗୋଵିନ୍ଦ ଦାମୋଦର ମାଧଵେତି ॥ 4॥
 
 
କାଚିତ୍କରାମ୍ଭୋଜପୁଟେ ନିଷଣ୍ଣଂ କ୍ରୀଡାଶୁକଂ କିଂଶୁକରକ୍ତତୁଣ୍ଡମ୍ ।
ଅଧ୍ଯାପଯାମାସ ସରୋରୁହାକ୍ଷୀ ଗୋଵିନ୍ଦ ଦାମୋଦର ମାଧଵେତି ॥ 5॥
 
 
ଗୃହେ ଗୃହେ ଗୋପଵଧୂସମୂହଃ ପ୍ରତିକ୍ଷଣଂ ପିଞ୍ଜରସାରିକାଣାମ୍ ।
ସ୍ଖଲଦ୍ଗିରାଂ ଵାଚଯିତୁଂ ପ୍ରଵୃତ୍ତୋ ଗୋଵିନ୍ଦ ଦାମୋଦର ମାଧଵେତି ॥ 6॥
 
 
ପର୍ଯ୍ଯଙ୍କିକାଭାଜମଲଂ କୁମାରଂ ପ୍ରସ୍ଵାପଯନ୍ତ୍ଯୋଽଖିଲଗୋପକନ୍ଯାଃ ।
ଜଗୁଃ ପ୍ରବନ୍ଧଂ ସ୍ଵରତାଲବନ୍ଧଂ ଗୋଵିନ୍ଦ ଦାମୋଦର ମାଧଵେତି ॥ 7॥
 
 
ରାମାନୁଜଂ ଵୀକ୍ଷଣକେଲିଲୋଲଂ ଗୋପୀ ଗୃହୀତ୍ଵା ନଵନୀତଗୋଲମ୍ ।
ଆବାଲକଂ ବାଲକମାଜୁହାଵ ଗୋଵିନ୍ଦ ଦାମୋଦର ମାଧଵେତି ॥ 8॥
 
 
ଵିଚିତ୍ରଵର୍ଣାଭରଣାଭିରାମେଽଭିଧେହି ଵକ୍ତ୍ରାମ୍ବୁଜରାଜହଂସି ।
ସଦା ମଦୀଯେ ରସନେଽଗ୍ରରଙ୍ଗେ ଗୋଵିନ୍ଦ ଦାମୋଦର ମାଧଵେତି ॥ 9॥
 
 
ଅଙ୍କାଧିରୂଢଂ ଶିଶୁଗୋପଗୂଢଂ ସ୍ତନଂ ଧଯନ୍ତଂ କମଲୈକକାନ୍ତମ୍ ।
ସମ୍ବୋଧଯାମାସ ମୁଦା ଯଶୋଦା ଗୋଵିନ୍ଦ ଦାମୋଦର ମାଧଵେତି ॥ 10॥
 
 
କ୍ରୀଡନ୍ତମନ୍ତର୍ଵ୍ରଜମାତ୍ମଜଂ ସ୍ଵଂ ସମଂ ଵଯସ୍ଯୈଃ ପଶୁପାଲବାଲୈଃ ।
ପ୍ରେମ୍ଣା ଯଶୋଦା ପ୍ରଜୁହାଵ କୃଷ୍ଣଂ ଗୋଵିନ୍ଦ ଦାମୋଦର ମାଧଵେତି ॥ 11॥
 
 
ଯଶୋଦଯା ଗାଢମୁଲୂଖଲେନ ଗୋକଣ୍ଠପାଶେନ ନିବଧ୍ଯମାନଃ ।
ରୁରୋଦ ମନ୍ଦଂ ନଵନୀତଭୋଜୀ ଗୋଵିନ୍ଦ ଦାମୋଦର ମାଧଵେତି ॥ 12॥
 
 
ନିଜାଙ୍ଗଣେ କଙ୍କଣକେଲିଲୋଲଂ ଗୋପୀ ଗୃହୀତ୍ଵା ନଵନୀତଗୋଲମ୍ ।
ଆମର୍ଦଯତ୍ପାଣିତଲେନ ନେତ୍ରେ ଗୋଵିନ୍ଦ ଦାମୋଦର ମାଧଵେତି ॥ 13॥
 
 
ଗୃହେ ଗୃହେ ଗୋପଵଧୂକଦମ୍ବାଃ ସର୍ଵେ ମିଲିତ୍ଵା ସମଵାଯଯୋଗେ ।
ପୁଣ୍ଯାନି ନାମାନି ପଠନ୍ତି ନିତ୍ଯଂ ଗୋଵିନ୍ଦ ଦାମୋଦର ମାଧଵେତି ॥ 14॥
 
 
ମନ୍ଦାରମୂଲେ ଵଦନାଭିରାମଂ ବିମ୍ବାଧରେ ପୂରିତଵେଣୁନାଦମ୍ ।
ଗୋଗୋପଗୋପୀଜନମଧ୍ଯସଂସ୍ଥଂ ଗୋଵିନ୍ଦ ଦାମୋଦର ମାଧଵେତି ॥ 15॥
 
 
ଉତ୍ଥାଯ ଗୋପ୍ଯୋଽପରରାତ୍ରଭାଗେ ସ୍ମୃତ୍ଵା ଯଶୋଦାସୁତବାଲକେଲିମ୍ ।
ଗାଯନ୍ତି ପ୍ରୋଚ୍ଚୈର୍ଦଧି ମନ୍ଥଯନ୍ତ୍ଯୋ ଗୋଵିନ୍ଦ ଦାମୋଦର ମାଧଵେତି ॥ 16॥
 
 
ଜଗ୍ଧୋଽଥ ଦତ୍ତୋ ନଵନୀତପିଣ୍ଡୋ ଗୃହେ ଯଶୋଦା ଵିଚିକିତ୍ସଯନ୍ତୀ ।
ଉଵାଚ ସତ୍ଯଂ ଵଦ ହେ ମୁରାରେ ଗୋଵିନ୍ଦ ଦାମୋଦର ମାଧଵେତି ॥ 17॥
 
 
ଅଭ୍ଯର୍ଚ୍ଯ ଗେହଂ ଯୁଵତିଃ ପ୍ରଵୃଦ୍ଧପ୍ରେମପ୍ରଵାହା ଦଧି ନିର୍ମମନ୍ଥ ।
ଗାଯନ୍ତି ଗୋପ୍ଯୋଽଥ ସଖୀସମେତା ଗୋଵିନ୍ଦ ଦାମୋଦର ମାଧଵେତି ॥ 18॥
 
 
କ୍ଵଚିତ୍ ପ୍ରଭାତେ ଦଧିପୂର୍ଣପାତ୍ରେ ନିକ୍ଷିପ୍ଯ ମନ୍ଥଂ ଯୁଵତୀ ମୁକୁନ୍ଦମ୍ ।
ଆଲୋକ୍ଯ ଗାନଂ ଵିଵିଧଂ କରୋତି ଗୋଵିନ୍ଦ ଦାମୋଦର ମାଧଵେତି ॥ 19॥
 
 
କ୍ରୀଡାପରଂ ଭୋଜନମଜ୍ଜନାର୍ଥଂ ହିତୈଷିଣୀ ସ୍ତ୍ରୀ ତନୁଜଂ ଯଶୋଦା ।
ଆଜୂହଵତ୍ ପ୍ରେମପରିପ୍ଲୁତାକ୍ଷୀ ଗୋଵିନ୍ଦ ଦାମୋଦର ମାଧଵେତି ॥ 20॥
 
 
ସୁଖଂ ଶଯାନଂ ନିଲଯେ ଚ ଵିଷ୍ଣୁଂ ଦେଵର୍ଷିମୁଖ୍ଯା ମୁନଯଃ ପ୍ରପନ୍ନାଃ ।
ତେନାଚ୍ଯୁତେ ତନ୍ମଯତାଂ ଵ୍ରଜନ୍ତି ଗୋଵିନ୍ଦ ଦାମୋଦର ମାଧଵେତି ॥ 21॥
 
 
ଵିହାଯ ନିଦ୍ରାମରୁଣୋଦଯେ ଚ ଵିଧାଯ କୃତ୍ଯାନି ଚ ଵିପ୍ରମୁଖ୍ଯାଃ ।
ଵେଦାଵସାନେ ପ୍ରପଠନ୍ତି ନିତ୍ଯଂ ଗୋଵିନ୍ଦ ଦାମୋଦର ମାଧଵେତି ॥ 22॥
 
 
ଵୃନ୍ଦାଵନେ ଗୋପଗଣାଶ୍ଚ ଗୋପ୍ଯୋ ଵିଲୋକ୍ଯ ଗୋଵିନ୍ଦଵିଯୋଗଖିନ୍ନାମ୍ ।
ରାଧାଂ ଜଗୁଃ ସାଶ୍ରୁଵିଲୋଚନାଭ୍ଯାଂ ଗୋଵିନ୍ଦ ଦାମୋଦର ମାଧଵେତି ॥ 23॥
 
 
ପ୍ରଭାତସଞ୍ଚାରଗତା ନୁ ଗାଵସ୍ତଦ୍ରକ୍ଷଣାର୍ଥଂ ତନଯଂ ଯଶୋଦା ।
ପ୍ରାବୋଧଯତ୍ ପାଣିତଲେନ ମନ୍ଦଂ ଗୋଵିନ୍ଦ ଦାମୋଦର ମାଧଵେତି ॥ 24॥
 
 
ପ୍ରଵାଲଶୋଭା ଇଵ ଦୀର୍ଘକେଶା ଵାତାମ୍ବୁପର୍ଣାଶନପୂତଦେହାଃ ।
ମୂଲେ ତରୂଣାଂ ମୁନଯଃ ପଠନ୍ତି ଗୋଵିନ୍ଦ ଦାମୋଦର ମାଧଵେତି ॥ 25॥
 
 
ଏଵଂ ବ୍ରୁଵାଣା ଵିରହାତୁରା ଭୃଶଂ ଵ୍ରଜସ୍ତ୍ରିଯଃ କୃଷ୍ଣଵିଷକ୍ତମାନସାଃ ।
ଵିସୃଜ୍ଯ ଲଜ୍ଜାଂ ରୁରୁଦୁଃ ସ୍ମ ସୁସ୍ଵରଂ ଗୋଵିନ୍ଦ ଦାମୋଦର ମାଧଵେତି ॥ 26॥
 
 
ଗୋପୀ କଦାଚିନ୍ମଣିପଞ୍ଜରସ୍ଥଂ ଶୁକଂ ଵଚୋ ଵାଚଯିତୁଂ ପ୍ରଵୃତ୍ତା ।
ଆନନ୍ଦକନ୍ଦ ଵ୍ରଜଚନ୍ଦ୍ର କୃଷ୍ଣ ଗୋଵିନ୍ଦ ଦାମୋଦର ମାଧଵେତି ॥ 27॥
 
 
ଗୋଵତ୍ସବାଲୈଃ ଶିଶୁକାକପକ୍ଷଂ ବଧ୍ନନ୍ତମମ୍ଭୋଜଦଲାଯତାକ୍ଷମ୍ ।
ଉଵାଚ ମାତା ଚିବୁକଂ ଗୃହୀତ୍ଵା ଗୋଵିନ୍ଦ ଦାମୋଦର ମାଧଵେତି ॥ 28॥
 
 
ପ୍ରଭାତକାଲେ ଵରଵଲ୍ଲଵୌଘା ଗୋରକ୍ଷଣାର୍ଥଂ ଧୃତଵେତ୍ରଦଣ୍ଡାଃ ।
ଆକାରଯାମାସୁରନନ୍ତମାଦ୍ଯଂ ଗୋଵିନ୍ଦ ଦାମୋଦର ମାଧଵେତି ॥ 29॥
 
 
ଜଲାଶଯେ କାଲିଯମର୍ଦନାଯ ଯଦା କଦମ୍ବାଦପତନ୍ମୁରାରିଃ ।
ଗୋପାଙ୍ଗନାଶ୍ଚୁକ୍ରୁଶୁରେତ୍ଯ ଗୋପା ଗୋଵିନ୍ଦ ଦାମୋଦର ମାଧଵେତି ॥ 30॥
 
 
ଅକ୍ରୂରମାସାଦ୍ଯ ଯଦା ମୁକୁନ୍ଦଶ୍ଚାପୋତ୍ସଵାର୍ଥଂ ମଥୁରାଂ ପ୍ରଵିଷ୍ଟଃ ।
ତଦା ସ ପୌରୈର୍ଜଯସୀତ୍ଯଭାଷି ଗୋଵିନ୍ଦ ଦାମୋଦର ମାଧଵେତି ॥ 31॥
 
 
କଂସସ୍ଯ ଦୂତେନ ଯଦୈଵ ନୀତୌ ଵୃନ୍ଦାଵନାନ୍ତାଦ୍ ଵସୁଦେଵସୂନୂ । (ସୂନୌ)
ରୁରୋଦ ଗୋପୀ ଭଵନସ୍ଯ ମଧ୍ଯେ ଗୋଵିନ୍ଦ ଦାମୋଦର ମାଧଵେତି ॥ 32॥
 
 
ସରୋଵରେ କାଲିଯନାଗବଦ୍ଧଂ ଶିଶୁଂ ଯଶୋଦାତନଯଂ ନିଶମ୍ଯ ।
ଚକ୍ରୁର୍ଲୁଠନ୍ତ୍ଯଃ ପଥି ଗୋପବାଲା ଗୋଵିନ୍ଦ ଦାମୋଦର ମାଧଵେତି ॥ 33॥
 
 
ଅକ୍ରୂରଯାନେ ଯଦୁଵଂଶନାଥଂ ସଙ୍ଗଚ୍ଛମାନଂ ମଥୁରାଂ ନିରୀକ୍ଷ୍ଯ ।
ଊଚୁର୍ଵିଯୋଗତ୍ କିଲ ଗୋପବାଲା ଗୋଵିନ୍ଦ ଦାମୋଦର ମାଧଵେତି ॥ 34॥
 
 
ଚକ୍ରନ୍ଦ ଗୋପୀ ନଲିନୀଵନାନ୍ତେ କୃଷ୍ଣେନ ହୀନା କୁସୁମେ ଶଯାନା ।
ପ୍ରଫୁଲ୍ଲନୀଲୋତ୍ପଲଲୋଚନାଭ୍ଯାଂ ଗୋଵିନ୍ଦ ଦାମୋଦର ମାଧଵେତି ॥ 35॥
 
 
ମାତାପିତୃଭ୍ଯାଂ ପରିଵାର୍ଯମାଣା ଗେହଂ ପ୍ରଵିଷ୍ଟା ଵିଲଲାପ ଗୋପୀ ।
ଆଗତ୍ଯ ମାଂ ପାଲଯ ଵିଶ୍ଵନାଥ ଗୋଵିନ୍ଦ ଦାମୋଦର ମାଧଵେତି ॥ 36॥
 
 
ଵୃନ୍ଦାଵନସ୍ଥଂ ହରିମାଶୁ ବୁଦ୍ଧ୍ଵା ଗୋପୀ ଗତା କାପି ଵନଂ ନିଶାଯାମ୍ ।
ତତ୍ରାପ୍ଯଦୃଷ୍ଟ୍ଵାଽତିଭଯାଦଵୋଚଦ୍ ଗୋଵିନ୍ଦ ଦାମୋଦର ମାଧଵେତି ॥ 37॥
 
 
ସୁଖଂ ଶଯାନା ନିଲଯେ ନିଜେଽପି ନାମାନି ଵିଷ୍ଣୋଃ ପ୍ରଵଦନ୍ତି ମର୍ତ୍ଯାଃ ।
ତେ ନିଶ୍ଚିତଂ ତନ୍ମଯତାଂ ଵ୍ରଜନ୍ତି ଗୋଵିନ୍ଦ ଦାମୋଦର ମାଧଵେତି ॥ 38॥
 
 
ସା ନୀରଜାକ୍ଷୀମଵଲୋକ୍ଯ ରାଧାଂ ରୁରୋଦ ଗୋଵିନ୍ଦଵିଯୋଗଖିନ୍ନାମ୍ ।
ସଖୀ ପ୍ରଫୁଲ୍ଲୋତ୍ପଲଲୋଚନାଭ୍ଯାଂ ଗୋଵିନ୍ଦ ଦାମୋଦର ମାଧଵେତି ॥ 39॥
 
 
ଜିହ୍ଵେ ରସଜ୍ଞେ ମଧୁରପ୍ରିଯା ତ୍ଵଂ ସତ୍ଯଂ ହିତଂ ତ୍ଵାଂ ପରମଂ ଵଦାମି ।
ଆଵର୍ଣଯେଥା ମଧୁରାକ୍ଷରାଣି ଗୋଵିନ୍ଦ ଦାମୋଦର ମାଧଵେତି ॥ 40॥
 
 
ଆତ୍ଯନ୍ତିକଵ୍ଯାଧିହରଂ ଜନାନାଂ ଚିକିତ୍ସକଂ ଵେଦଵିଦୋ ଵଦନ୍ତି ।
ସଂସାରତାପତ୍ରଯନାଶବୀଜଂ ଗୋଵିନ୍ଦ ଦାମୋଦର ମାଧଵେତି ॥ 41॥
 
 
ତାତାଜ୍ଞଯା ଗଚ୍ଛତି ରାମଚନ୍ଦ୍ରେ ସଲକ୍ଷ୍ମଣେଽରଣ୍ଯଚଯେ ସସୀତେ ।
ଚକ୍ରନ୍ଦ ରାମସ୍ଯ ନିଜା ଜନିତ୍ରୀ ଗୋଵିନ୍ଦ ଦାମୋଦର ମାଧଵେତି ॥ 42॥
 
 
ଏକାକିନୀ ଦଣ୍ଡକକାନନାନ୍ତାତ୍ ସା ନୀଯମାନା ଦଶକନ୍ଧରେଣ ।
ସୀତା ତଦାକ୍ରନ୍ଦଦନନ୍ଯନାଥା ଗୋଵିନ୍ଦ ଦାମୋଦର ମାଧଵେତି ॥ 43॥
 
 
ରାମାଦ୍ଵିଯୁକ୍ତା ଜନକାତ୍ମଜା ସା ଵିଚିନ୍ତଯନ୍ତୀ ହୃଦି ରାମରୂପମ୍ ।
ରୁରୋଦ ସୀତା ରଘୁନାଥ ପାହି ଗୋଵିନ୍ଦ ଦାମୋଦର ମାଧଵେତି ॥ 44॥
 
 
ପ୍ରସୀଦ ଵିଷ୍ଣୋ ରଘୁଵଂଶନାଥ ସୁରାସୁରାଣାଂ ସୁଖଦୁଃଖହେତୋ ।
ରୁରୋଦ ସୀତା ତୁ ସମୁଦ୍ରମଧ୍ଯେ ଗୋଵିନ୍ଦ ଦାମୋଦର ମାଧଵେତି ॥ 45॥
 
 
ଅନ୍ତର୍ଜଲେ ଗ୍ରାହଗୃହୀତପାଦୋ ଵିସୃଷ୍ଟଵିକ୍ଲିଷ୍ଟସମସ୍ତବନ୍ଧୁଃ ।
ତଦା ଗଜେନ୍ଦ୍ରୋ ନିତରାଂ ଜଗାଦ ଗୋଵିନ୍ଦ ଦାମୋଦର ମାଧଵେତି ॥ 46॥
 
 
ହଂସଧ୍ଵଜଃ ଶଙ୍ଖଯୁତୋ ଦଦର୍ଶ ପୁତ୍ରଂ କଟାହେ ପ୍ରତପନ୍ତମେନମ୍ ।
ପୁଣ୍ଯାନି ନାମାନି ହରେର୍ଜପନ୍ତଂ ଗୋଵିନ୍ଦ ଦାମୋଦର ମାଧଵେତି ॥ 47॥
 
 
ଦୁର୍ଵାସସୋ ଵାକ୍ଯମୁପେତ୍ଯ କୃଷ୍ଣା ସା ଚାବ୍ରଵୀତ୍ କାନନଵାସିନୀଶମ୍ ।
ଅନ୍ତଃ ପ୍ରଵିଷ୍ଟଂ ମନସା ଜୁହାଵ ଗୋଵିନ୍ଦ ଦାମୋଦର ମାଧଵେତି ॥ 48॥
 
 
ଧ୍ଯେଯଃ ସଦା ଯୋଗିଭିରପ୍ରମେଯଃ ଚିନ୍ତାହରଶ୍ଚିନ୍ତିତପାରିଜାତଃ ।
କସ୍ତୂରିକାକଲ୍ପିତନୀଲଵର୍ଣୋ ଗୋଵିନ୍ଦ ଦାମୋଦର ମାଧଵେତି ॥ 49॥
 
 
ସଂସାରକୂପେ ପତିତୋଽତ୍ଯଗାଧେ ମୋହାନ୍ଧପୂର୍ଣେ ଵିଷଯାଭିତପ୍ତେ ।
କରାଵଲମ୍ବଂ ମମ ଦେହି ଵିଷ୍ଣୋ ଗୋଵିନ୍ଦ ଦାମୋଦର ମାଧଵେତି ॥ 50॥
 
 
ଭଜସ୍ଵ ମନ୍ତ୍ରଂ ଭଵବନ୍ଧମୁକ୍ତ୍ଯୈ ଜିହ୍ଵେ ରସଜ୍ଞେ ସୁଲଭଂ ମନୋଜ୍ଞମ୍ ।
ଦ୍ଵୈପାଯନାଦ୍ଯୈର୍ମୁନିଭିଃ ପ୍ରଜପ୍ତଂ ଗୋଵିନ୍ଦ ଦାମୋଦର ମାଧଵେତି ॥ 51॥
 
 
ତ୍ଵାମେଵ ଯାଚେ ମମ ଦେହି ଜିହ୍ଵେ ସମାଗତେ ଦଣ୍ଡଧରେ କୃତାନ୍ତେ ।
ଵକ୍ତଵ୍ଯମେଵଂ ମଧୁରଂ ସୁଭକ୍ତ୍ଯା ଗୋଵିନ୍ଦ ଦାମୋଦର ମାଧଵେତି ॥ 52॥
 
 
ଗୋପାଲ ଵଂଶୀଧର ରୂପସିନ୍ଧୋ ଲୋକେଶ ନାରାଯଣ ଦୀନବନ୍ଧୋ ।
ଉଚ୍ଚସ୍ଵରୈସ୍ତ୍ଵଂ ଵଦ ସର୍ଵଦୈଵ ଗୋଵିନ୍ଦ ଦାମୋଦର ମାଧଵେତି ॥ 53॥
 
 
ଜିହ୍ଵେ ସଦୈଵଂ ଭଜ ସୁନ୍ଦରାଣି ନାମାନି କୃଷ୍ଣସ୍ଯ ମନୋହରାଣି ।
ସମସ୍ତଭକ୍ତାର୍ତିଵିନାଶନାନି ଗୋଵିନ୍ଦ ଦାମୋଦର ମାଧଵେତି ॥ 54॥
 
 
ଗୋଵିନ୍ଦ ଗୋଵିନ୍ଦ ହରେ ମୁରାରେ ଗୋଵିନ୍ଦ ଗୋଵିନ୍ଦ ମୁକୁନ୍ଦ କୃଷ୍ଣ ।
ଗୋଵିନ୍ଦ ଗୋଵିନ୍ଦ ରଥାଙ୍ଗପାଣେ ଗୋଵିନ୍ଦ ଦାମୋଦର ମାଧଵେତି ॥ 55॥
 
 
ସୁଖାଵସାନେ ତ୍ଵିଦମେଵ ସାରଂ ଦୁଃଖାଵସାନେ ତ୍ଵିଦମେଵ ଗେଯମ୍ ।
ଦେହାଵସାନେ ତ୍ଵିଦମେଵ ଜାପ୍ଯଂ ଗୋଵିନ୍ଦ ଦାମୋଦର ମାଧଵେତି ॥ 56॥
 
 
ଦୁର୍ଵାରଵାକ୍ଯଂ ପରିଗୃହ୍ଯ କୃଷ୍ଣା ମୃଗୀଵ ଭୀତା ତୁ କଥଂ କଥଞ୍ଚିତ୍ ।
ସଭାଂ ପ୍ରଵିଷ୍ଟା ମନସା ଜୁହାଵ ଗୋଵିନ୍ଦ ଦାମୋଦର ମାଧଵେତି ॥ 57॥
 
 
ଶ୍ରୀକୃଷ୍ଣ ରାଧାଵର ଗୋକୁଲେଶ ଗୋପାଲ ଗୋଵର୍ଧନ ନାଥ ଵିଷ୍ଣୋ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 58॥
 
 
ଶ୍ରୀନାଥ ଵିଶ୍ଵେଶ୍ଵର ଵିଶ୍ଵମୂର୍ତେ ଶ୍ରୀଦେଵକୀନନ୍ଦନ ଦୈତ୍ଯଶତ୍ରୋ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 59॥
 
 
ଗୋପୀପତେ କଂସରିପୋ ମୁକୁନ୍ଦ ଲକ୍ଷ୍ମୀପତେ କେଶଵ ଵାସୁଦେଵ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 60॥
 
 
ଗୋପୀଜନାହ୍ଲାଦକର ଵ୍ରଜେଶ ଗୋଚାରଣାରଣ୍ଯକୃତପ୍ରଵେଶ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 61॥
 
 
ପ୍ରାଣେଶ ଵିଶ୍ଵମ୍ଭର କୈଟଭାରେ ଵୈକୁଣ୍ଠ ନାରାଯଣ ଚକ୍ରପାଣେ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 62॥
 
 
ହରେ ମୁରାରେ ମଧୁସୂଦନାଦ୍ଯ ଶ୍ରୀରାମ ସୀତାଵର ରାଵଣାରେ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 63॥
 
 
ଶ୍ରୀଯାଦଵେନ୍ଦ୍ରାଦ୍ରିଧରାମ୍ବୁଜାକ୍ଷ ଗୋଗୋପଗୋପୀସୁଖଦାନଦକ୍ଷ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 64॥
 
 
ଧରାଭରୋତ୍ତାରଣଗୋପଵେଷ ଵିହାରଲୀଲାକୃତବନ୍ଧୁଶେଷ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 65॥
 
 
ବକୀବକାଘାସୁରଧେନୁକାରେ କେଶୀତୃଣାଵର୍ତଵିଘାତଦକ୍ଷ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 66॥
 
 
ଶ୍ରୀଜାନକୀଜୀଵନ ରାମଚନ୍ଦ୍ର ନିଶାଚରାରେ ଭରତାଗ୍ରଜେଶ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 67॥
 
 
ନାରାଯଣାନନ୍ତ ହରେ ନୃସିଂହ ପ୍ରହ୍ଲାଦବାଧାହର ହେ କୃପାଲୋ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 68॥
 
 
ଲୀଲାମନୁଷ୍ଯାକୃତିରାମରୂପ ପ୍ରତାପଦାସୀକୃତସର୍ଵଭୂପ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 69॥
 
 
ଶ୍ରୀକୃଷ୍ଣ ଗୋଵିନ୍ଦ ହରେ ମୁରାରେ ହେ ନାଥ ନାରାଯଣ ଵାସୁଦେଵ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 70॥
 
 
ଵକ୍ତୁଂ ସମର୍ଥୋଽପି ନ ଵକ୍ତି କଶ୍ଚିଦହୋ ଜନାନାଂ ଵ୍ଯସନାଭିମୁଖ୍ଯମ୍ ।
ଜିହ୍ଵେ ପିବସ୍ଵାମୃତମେତଦେଵ ଗୋଵିନ୍ଦ ଦାମୋଦର ମାଧଵେତି ॥ 71॥
 
 
ଇତି ଶ୍ରୀବିଲ୍ଵମଙ୍ଗଲାଚାର୍ଯଵିରଚିତଂ ଶ୍ରୀଗୋଵିନ୍ଦଦାମୋଦରସ୍ତୋତ୍ରଂ ସମ୍ପୂର୍ଣମ୍ ॥
 
 
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  Connect Form
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © copyright 2024 vedamrit. All Rights Reserved.