|
| |
| |
শ্রী গান্ধর্বাসংপ্রার্থনাষ্টকম্  |
| শ্রীল রূপ গোস্বামী |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
বৃন্দাবনে বিহরতোরিহ কেলিকুঞ্জে
মত্ত - দ্বিপ - প্রবর- কৌতুক - বিভ্রমেণ ।
সংদর্শযস্ব যুবযোর্বদনারবিন্দ-
দ্বন্দ্বং বিধেহি মযি দেবি ! কৃপাং প্রসীদ॥1॥ |
| |
| |
হা দেবি ! কাকুভর - গদ্গদযাদ্য বাচা
যাচে নিপত্য ভুবি দণ্ডবদুদ্ভটার্তিঃ ।
অস্য প্রসাদমবুধস্য জনস্য কৃত্বা
গান্ধর্বিকে! নিজগণে গণনাং বিধেহি॥2॥ |
| |
| |
শ্যামে ! রমারমণ - সুন্দরতা - বরিষ্ঠ-
সৌন্দর্য - মোহিত - সমস্ত - জগজ্জনস্য ।
শ্যামস্য বামভুজ-বদ্ধতনুং কদাহং
ত্বামিন্দিরা - বিরল - রূপভরাং ভজামি ?॥3॥ |
| |
| |
ত্বাং প্রচ্ছদেন মুদিরচ্ছবিনা পিধায
মঞ্জীর - মুক্ত - চরণাং চ বিধায দেবি !
কুজে ব্রজেন্দ্র-তনযেন বিরাজমানে
নক্তং কদা প্রমুদিতামভিসারযিষ্যে ? ॥4॥ |
| |
| |
কুঞ্জে প্রসূন -কুল- কল্পিত-কেলি-তল্পে
লোক - ত্রযাভরণযোশ্চাণাম্বুজানি
সংবিষ্টযোর্মধুর-নর্ম - বিলাস - ভাজোঃ ।
সংবাহযিষ্যতি কদা যুবযোর্জনোঽযম্ ?॥5॥ |
| |
| |
ত্বত্কুণ্ড - রোধসি বিলাস - পরিশ্রমেণ
স্বেদাম্বু- চুম্বি - বদনাম্বুরুহ - শ্রিযৌ বাম্ ।
বৃন্দাবনেশ্বরি ! কদা তরুমূলভাজৌ
সংবীজযামি চমরীচয - চামরেণ ?॥6 ।
লীনাং নিকুঞ্জকুহরে ভবতীং মুকুন্দে
চিত্রৈব সূচিতবতী রুচিরাক্ষি ! নাহম্ ।
ভুগ্নাং ধ্রুবং ন রচযেতি মৃষারুষাং ত্বা-
মগ্রে ব্রজেন্দ্র-তনযস্য কদা নু নেষ্যে॥7॥ |
| |
| |
বাগ্যুদ্ধ-কেলি - কুতুকে ব্রজরাজ - সুনং
জিত্বোন্মদামধিকদর্প - বিকাসি - জল্পাম্ ।
ফুল্লাভিরালিভিরনল্পমুদীর্যমাণ
স্তোত্রাং কদা নু ভবতীমবলোকযিষ্যে ?॥8॥ |
| |
| |
যঃ কোঽপি সুষ্ঠু বৃষভানু - কুমারিকাযাঃ
সংপ্রর্থনাষ্টকমিদং পঠতি প্রপন্নঃ ।
সা প্রেযসা সহ সমেত্য ধৃতপ্রমোদা
তত্র প্রসাদ - লহরীমুররীকরোতি॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|