|
| |
| |
শ্রী রাধিকাষ্টকম্ (1)  |
| শ্রীল রূপ গোস্বামী |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
দিশি দিশি রচযন্তীং সংচরন্নেত্রলক্ষ্মী-
বিলসিত - খুরলীভিঃ খঞ্জরীটস্য খেলাম্ ।
হৃদযমধুপমল্লীং বল্লবাধীশসূনো-
রখিল - গুণ - গভীরাং রাধিকামর্চযামি॥1॥ |
| |
| |
পিতুরিহ বৃষভানোরন্ববায - প্রশস্তিং
জগতি কিল সমস্তে সুষ্ঠু বিস্তারযন্তীম্ ।
ব্রজনৃপতিকুমারং খেলযন্তীং সখীভিঃ
সুরভিণি নিজকুণ্ডে রাধিকামর্চযামি॥2॥ |
| |
| |
শরদুপচিত- রাকা - কৌমুদীনাথ - কীর্তি-
প্রকর- দমনদীক্ষা- দক্ষিণ - স্মেরবক্ত্রাম্ ।
নটদঘভিদপাঙ্গোত্তুঙ্গিতানঙ্গ - রঙ্গা
কলিত-রুচি-তরঙ্গাং রাধিকামর্চযামি॥3॥ |
| |
| |
বিবিধ - কুসুম - বৃন্দোত্ফুল্ল- ধম্মিল্ল-ঘাটী-
বিঘটিত-মদ-ঘূর্ণত্ কেকি - পিচ্ছ - প্রশস্তিম্ ।
মধুরিপু- মুখ - বিম্বোদ্গীর্ণ- তাম্বূল-রাগ-
স্ফুরদমল - কপোলাং রাধিকামর্চযামি॥4॥ |
| |
| |
অমলিন- ললিতান্তঃ স্নেহ-সিক্তান্তরঙ্গা-
মখিল - বিধবিশাখা - সখ্য- বিখ্যাত - শীলাম্ ।
স্ফুরদঘভিদনর্ঘ- প্রেম মাণিক্য- পেটীং
ধৃত মধুর - বিনোদাং রাধিকামর্চযামি॥5॥ |
| |
| |
অতুল-মহসি বৃন্দারণ্যরাজ্যেঽভিষিক্তাং
নিখিল - সময - ভর্তুঃ কার্তিকস্যাধিদেবীম্ ।
অপরিমিত - মুকুন্দ - প্রেযসী - বৃন্দমুখ্যাং
জগদঘহর - কীর্তি রাধিকামর্চযামি॥6॥ |
| |
| |
হরিপদনখ - কোটী - পৃষ্ঠ - পর্যন্ত-সীমা-
তটমপি কলযন্তীং প্রাণকোটরেভীষ্টম্ ।
প্রমুদিত - মদিরাক্ষী - বৃন্দ- বৈদগ্ধ্য - দীক্ষা-
গুরুমতি - গুরুকীর্তি রাধিকামর্চযামি॥7॥ |
| |
| |
অমল- কনক- পট্টোদ্ধৃষ্ট- কাশ্মীর - গৌরী
মধুরিম - লহরীভিঃ সংপরীতাং কিশোরীম্ ।
হরিভুজ - পরিরব্ধাং লব্ধ- রোমাঞ্চ - পালিং
স্ফুরদরুণ- দুকূলাং রাধিকামর্চযামি॥8॥ |
| |
| |
তদমল - মধুরিম্ণাং কামমাধাররূপং
পরিপঠতি বরিষ্ঠং সুষ্ঠু রাধাষ্টকং যঃ ।
অহিম - কিরণ - পুত্রী - কূল - কল্যাণ - চন্দ্রঃ
স্ফুটমখিলমভীষ্টং তস্য তুষ্টস্তনোতি॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|