|
| |
| |
శ్రీ గోద్రుమ చన్ద్ర భజన ఉపదేశ  |
| శ్రీల భక్తివినోద ఠాకుర |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
యది తే హరిపాదసరోజసుధా
రసపానపరం హృదయం సతతమ్
పరిహృత్య గృహం కలిభావమయం
భజ గోద్రుమకాననకుఞ్జవిధుమ్॥1॥ |
| |
| |
ధనయౌవనజీవనరాజ్యసుఖం
న హి నిత్యమనుక్షణనాశపరమ్
త్యజ గ్రామ్యకథాసకలం విఫలం
భజ గోద్రుమకాననకుఞ్జవిధుమ్॥2॥ |
| |
| |
రమణీజనసఙ్గసుఖం చ సఖే
చరమే భయదం పురుషార్థహరమ్
హరినామసుధారసమత్తమతిర్
భజ గోద్రుమకాననకుఞ్జవిధుమ్॥3॥ |
| |
| |
జడకావ్యరసో న హి కావ్యరసః
కలిపావనగౌరరసో హి రసః
అలమన్యకథాద్యనుశీలనయా
భజ గోద్రుమకాననకుఞ్జవిధుమ్॥4॥ |
| |
| |
వృషభానుసుతాన్వితవామతనుం
యమునాతటనాగరనన్దసుతమ్
మురలీకలగీతవినోదపరం
భజ గోద్రుమకాననకుఞ్జవిధుమ్॥5॥ |
| |
| |
హరికీర్తనమధ్యగతం స్వజనైః
పరివేష్టితజామ్బునదాభహరిమ్
నిజగౌడజనైకకృపాజలధిం
భజ గోద్రుమకాననకుఞ్జవిధుమ్॥6॥ |
| |
| |
గిరిరాజసుతాపరివీతగృహం
నవఖణ్డపతిం యతిచిత్తహరమ్
సురసఙ్ఘనుతం ప్రియయా సహితం
భజ గోద్రుమకాననకుఞ్జవిధుమ్॥7॥ |
| |
| |
కలికుక్కురముద్గరభావధరం
హరినామమహౌషధదానపరమ్
పతితార్తదయార్ద్రసుమూర్తిధరం
భజ గోద్రుమకాననకుఞ్జవిధుమ్॥8॥ |
| |
| |
రిపుబాన్ధవభేదవిహీనదయా
యదభీక్ష్నముదేతి ముఖాబ్జతతౌ
తమకృష్ణమిహ వ్రజరాజసుతం
భజ గోద్రుమకాననకుఞ్జవిధుమ్॥9॥ |
| |
| |
ఇహ చోపనిషత్పరిగీతవిభుర్
ద్విజరాజసుతః పురటాభహరిః
నిజధామని ఖేలతి బన్ధుయుతో
భజ గోద్రుమకాననకుఞ్జవిధుమ్॥10॥ |
| |
| |
అవతారవరం పరిపూర్ణకలం
పరతత్త్వమిహాత్మవిలాసమయమ్
వ్రజధామరసామ్బుధిగుప్తరసం
భజ గోద్రుమకాననకుఞ్జవిధుమ్॥11॥ |
| |
| |
శ్రుతివర్ణధనాది న యస్య కృపా
జననే బలవద్భజనేన వినా
తమహైతుకభావపథా హి సఖే
భజ గోద్రుమకాననకుఞ్జవిధుమ్॥12॥ |
| |
| |
అపి నక్రగతౌ హ్రదమధ్యగతం
కమమోచయదార్తజనం తమజమ్
అవిచిన్త్యబలం శివకల్పతరుం
భజ గోద్రుమకాననకుఞ్జవిధుమ్॥13॥ |
| |
| |
సురభీన్ద్రతపఃపరితుష్టమనా
వరవర్ణధరో హరిరావిరభూత్
తమజస్రసుఖం మునిధైర్యహరం
భజ గోద్రుమకాననకుఞ్జవిధుమ్॥14॥ |
| |
| |
అభిలాషచయం తదభేదధియమ్
అశుభం చ శుభం త్యజ సర్వమిదమ్
అనుకూలతయా ప్రియసేవనయా
భజ గోద్రుమకాననకుఞ్జవిధుమ్॥15॥ |
| |
| |
హరిసేవకసేవనధర్మపరో
హరినామరసామృతపానరతః
నతిదైన్యదయాపరమానయుతో
భజ గోద్రుమకాననకుఞ్జవిధుమ్॥16॥ |
| |
| |
వద యాదవ మాధవ కృష్ణ హరే
వద రామ జనార్దన కేశవ హే
వృషభానుసుతాప్రియనాథ సదా
భజ గోద్రుమకాననకుఞ్జవిధుమ్॥17॥ |
| |
| |
వద యామునతీరవనాద్రిపతే
వద గోకులకాననపుఞ్జరవే
వద రాసరసాయన గౌరహరే
భజ గోద్రుమకాననకుఞ్జవిధుమ్॥18॥ |
| |
| |
చల గౌరవనం నవఖణ్డమయం
పఠ గౌరహరేశ్చరితాని ముదా
లుఠ గౌరపదాఙ్కితగాఙ్గతటం
భజ గోద్రుమకాననకుఞ్జవిధుమ్॥19॥ |
| |
| |
స్మర గౌరగదాధరకేలికలాం
భవ గౌరగదాధరపక్షచరః
శృణు గౌరగదాధరచారుకథాం
భజ గోద్రుమకాననకుఞ్జవిధుమ్॥20॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|