|
| |
| |
ശ്രീ ഗോവര്ധനവാസപ്രാര്ഥനാദശകമ്‌  |
| ശ്രീല രഘുനാഥ ദാസ ഗോസ്വാമീ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
നിജപതിഭുജദണ്ഡച്ഛത്രഭാവം പ്രപദ്യ
പ്രതിഹതമദധൃഷ്ടോദ്ദണ്ഡദേവേന്ദ്രഗര്വ।
അതുലപൃഥുലശൈലശ്രേണിഭൂപ! പ്രിയം മേ
നിജ-നികട-നിവാസ ദേഹി ഗോവര്ധന! ത്വമ്॥1॥ |
| |
| |
പ്രമദമദനലീലാഃ കന്ദരേ കന്ദരേ തേ
രചയതി നവയൂനോര്ദ്വന്ദ്വമസ്മിന്നമന്ദമ്।
ഇതി കില കലനാര്ഥം ലന്ഗകസ്തദ്‌ദ്വയോര്മേ
നിജ-നികട-നിവാസ ദേഹി ഗോവര്ധന! ത്വമ്॥2॥ |
| |
| |
അനുപമ-മണിവേദീ-രത്നസിംഹാസനോര്വീ-
രുഹഝര-ദരസാനുദ്രോണി-സംഘേഷു രംഗൈഃ।
സഹ ബല-സഖിഭിഃ സംഖേലയന്‌ സ്വപ്രിയം മേ
നിജ-നികട-നിവാസ ദേഹി ഗോവര്ധന! ത്വമ്॥3॥ |
| |
| |
രസനിധി-നവയൂനോഃ സാക്ഷിണീം ദാനകേലേ-
ര്ദ്യുതിപരിമലവിദ്ധാം ശ്യാമവേദീം പ്രകാശ്യ।
രസികവരകുലാനാം മോദമാസ്ഫാലയന്മേ
നിജ-നികട-നിവാസ ദേഹി ഗോവര്ധന! ത്വമ്॥4॥ |
| |
| |
ഹരിദായിതമപൂര്വ രാധികാ-കുണ്ഡമാത്മ-
പ്രിയസഖമിഹ കണ്ഠേനര്മണാഽഽലിംഗ്യ ഗുപ്തഃ।
നവയുവയുഗ-ഖേലാസ്തത്ര പശ്യന്‌ രഹോ മേ
നിജ-നികട-നിവാസ ദേഹി ഗോവര്ധന! ത്വമ്॥5॥ |
| |
| |
സ്ഥല-ജല-തല-ശഷ്പൈര്ഭൂരുഹച്ഛായയാ ച
പ്രതിപദമനുകാലം ഹന്ത സംവര്ധയന്‌ ഗാഃ।
ത്രിജഗതി നിജഗോത്രം സാര്ഥകം ഖ്യാപയന്മേ
ജിന-നികട-നിവാസ ദേഹി ഗോവര്ധന! ത്വമ്॥6॥ |
| |
| |
സുരപതികൃത-ദീര്ഘദ്രോഹതോ ഗോഷ്ഠരക്ഷാം
തവ നവ-ഗൃഹരൂപസ്യാന്തരേ കുര്വതൈവ।
അഘ-ബക-രിപുണോച്ചൈര്ദത്തമാന! ദ്രുതം മേം
നിജ-നികട-നിവാസ ദേഹി ഗോവര്ധന! ത്വമ്॥7॥ |
| |
| |
ഗിരിനൃപ! ഹരിദാസശ്രേണീവര്യേതി-നാമാ-
മൃതമിദമുദിതം ശ്രീരാധികാവക്ത്രചന്ദ്രാത്।
വ്രജജന-തിലകത്വേ ക്ലൃപ്ത! വേദൈഃ സ്ഫുടം മേ
നിജ-നികട-നിവാസ ദേഹി ഗോവര്ധന! ത്വമ്॥8॥ |
| |
| |
നിജ-ജനയുത-രാധാകൃഷ്ണമൈത്രീരസാക്ത-
വ്രജനര-പശുപക്ഷി ബ്രാത-സൌഖ്യൈകദാതഃ।
അഗണിത-കരുണത്വാന്മാമുരീകൃത്യ താന്തം
നിജ-നികട-നിവാസ ദേഹി ഗോവര്ധന! ത്വമ്॥9॥ |
| |
| |
നിരുപധി-കരുണേന ശ്രീശചീനന്ദനേന
ത്വയി കപടി-ശഠോഽപി ത്വത്‌പ്രിയേണാര്പിംതോഽസ്മി।
ഇതി ഖലു മമ യോഗ്യായോഗ്യതാം താമഗൃഹ്നന്‌
നിജ-നികട-നിവാസ ദേഹി ഗോവര്ധന! ത്വമ്॥10॥ |
| |
| |
രസദ-ദശകമസ്യ ശ്രീല-ഗോവര്ധനസ്യ
ക്ഷിതിധര-കുലഭര്തുര്യഃ പ്രയത്നാദധീതേ।
സ സപദി സുഖദേഽസ്മിന്‌ വാസമാസാദ്യ സാക്ഷാ-
ച്ഛുഭദ-യുഗലസേവാരത്നമാപ്നോതി തൂര്ണമ്॥11॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|